تشکر نیوز: شاہراہِ نور جہاں کے بلاک T، نارتھ ناظم آباد، قلندریہ چوک کے قریب پولیس کا اسٹریٹ کرمنلز کے ساتھ دو بدو مقابلہ ہوا، جس کے نتیجے میں ایک ملزم زخمی حالت میں گرفتار ہوا جبکہ دوسرا ملزم بغیر زخم کے گرفتار کر لیا گیا۔ اس دوران ایک ملزم موقع سے موٹر سائیکل پر فرار ہو گیا۔
کراچی: میئر مرتضیٰ وہاب کا کلفٹن پمپنگ اسٹیشن کا دورہ، نکاسی آب کے کاموں کا جائزہ
گرفتار زخمی ملزم کی شناخت سکندر ولد فرید کے نام سے ہوئی، جبکہ دوسرے گرفتار ملزم کا نام عبدالشکور ولد محمد مختیار معلوم ہوا ہے۔ فرار ہونے والے ملزم کا نام محمد فہیم عرف کانا کے طور پر سامنے آیا ہے۔
ملزمان کے قبضے سے ایک 30 بور پسٹل لوڈ میگزین اور ایک موٹر سائیکل 70 برآمد ہوئی۔ زخمی ملزم کو فوری طور پر ہسپتال منتقل کیا گیا، جبکہ پولیس نے گرفتار ملزمان کا ریکارڈ اور برآمدہ موٹر سائیکل کی جانچ شروع کر دی ہے۔
ایس ایس پی ڈسٹرکٹ سینٹرل، ذیشان شفیق صدیقی (PPM, PSP) کے ترجمان نے اس کارروائی کی تصدیق کی ہے۔
