تشکر نیوز سابق گورنر سندھ، ڈاکٹر عشرت العباد خان، نے نیشنل پریس کلب (این پی سی) میں یوم آزادی کی مناسبت سے منعقدہ تقریب سے خطاب کرتے ہوئے پاک فوج کو خراج تحسین پیش کیا۔ تقریب کا مقصد قومی سطح پر پاک فوج کی خدمات کو سراہنا اور ان کے کردار کو اجاگر کرنا تھا۔
لندن میں 11 سالہ بچی پر چاقو سے حملہ، ایک شخص گرفتار
اس موقع پر ڈاکٹر عشرت العباد خان نے پاک فوج کے جوانوں کی قربانیوں اور ان کی خدمات کا تذکرہ کرتے ہوئے کہا کہ ملک کی سالمیت اور تحفظ کیلئے پاک فوج کی کوششیں قابل ستائش ہیں۔ انہوں نے کہا کہ پاک فوج نے ہمیشہ مشکل وقت میں قوم کا ساتھ دیا ہے اور عوام کے دلوں میں ان کی عزت اور وقار ہمیشہ برقرار رہے گا۔
تقریب میں موجود معروف سیاسی و سماجی شخصیت محترمه سیده فردوس، پائلٹ شہناز لغاری، مہتاب رفیق، بشب شاہد محمود، مجیب الرحمن کیانی اور دیگر اہم شخصیات نے بھی اس موقع پر اظہار خیال کیا۔ مقررین نے یوم آزادی کی اہمیت اور پاک فوج کے کردار پر روشنی ڈالتے ہوئے کہا کہ ملک کی ترقی اور خوشحالی میں افواج پاکستان کا کردار ناقابل فراموش ہے۔
محترمه سیده فردوس نے تقریب میں اپنے خطاب کے دوران کہا کہ ہم سب کو مل کر ملک کی بہتری کے لئے کام کرنا چاہئے اور پاک فوج کے ساتھ قدم سے قدم ملا کر چلنا چاہئے تاکہ ملک کو اندرونی اور بیرونی خطرات سے محفوظ رکھا جا سکے۔
پائلٹ شہناز لغاری نے اپنے خطاب میں کہا کہ پاک فوج کی خدمات صرف سرحدوں تک محدود نہیں ہیں بلکہ انہوں نے اندرون ملک بھی دہشت گردی کے خلاف جنگ میں اہم کردار ادا کیا ہے۔
تقریب کے اختتام پر مقررین نے ملک کی ترقی و خوشحالی کیلئے دعا کی اور پاک فوج کی عظیم خدمات کو خراج تحسین پیش کیا۔ تقریب میں مختلف شعبہ ہائے زندگی سے تعلق رکھنے والے افراد کی بڑی تعداد نے شرکت کی۔