گبول ٹاؤن کی حدود بفرزون 15B میں پولیس اور اسٹریٹ کرمنلز کے درمیان جھڑپ ہوئی، جس کے نتیجے میں ایک ڈاکو گرفتار کر لیا گیا۔ ایس ایس پی ڈسٹرکٹ سینٹرل کے مطابق، دو طرفہ فائرنگ کے دوران ملزمان جو دو موٹر سائیکلوں پر سوار تھے، نے پولیس پر فائرنگ کردی۔
پیرس اولمپکس 2024: نوواک جوکووچ نے اپنے کریئر کا پہلا طلائی تمغہ جیت لیا
پولیس نے جوابی کارروائی کرتے ہوئے ملزمان کا تعاقب کیا اور ایک ملزم کو گھیر کر گرفتار کر لیا۔ تاہم، دیگر دو ملزمان ایک شہری سے موٹر سائیکل چھین کر فرار ہونے میں کامیاب ہو گئے۔ گرفتار ملزم کی شناخت جنت ولد ودود کے نام سے ہوئی۔
ملزم کے قبضے سے ایک عدد TT پسٹل 30 بور، لوڈ میگزین، والٹ، چھینا ہوا موبائل فون، اور دو موٹر سائیکل برآمد ہوئیں۔ گرفتار ملزم اور اس کے ساتھیوں کے خلاف پولیس مقابلے اور ناجائز اسلحہ کے مقدمات درج کر کے تفتیش شروع کر دی گئی ہے۔
ترجمان ایس ایس پی ڈسٹرکٹ سینٹرل، ذیشان شفیق صدیقی کے مطابق، مزید تحقیقات جاری ہیں۔