تشکر نیوز: رضویہ کی حدود میں غیر قانونی پانی کے کنکشن کے لیے روڈ کھودنے کا سلسلہ رات کے وقت جاری ہے۔ مقامی شہریوں کی شکایات کے مطابق، ایکسین واٹر ڈسٹریبیوشن عابد قادری ڈسٹرکٹ سینٹرل اور وال میں فلورینس کی سرپرستی میں یہ غیر قانونی سرگرمیاں جاری ہیں۔ شہریوں نے متعدد بار 15 پر کال کی، مگر پولیس موبائل ٹیم نے کوئی کارروائی کرنے کی بجائے غیر قانونی کام کرنے والوں سے پیسے وصول کیے اور پھر روانہ ہو گئی۔
ضلع وسطی میں بارشوں کے دوران عوام کو مکمل ریلیف فراہم کرنے کے لیے صوبائی وزیر کی ہدایات
ذرائع کے مطابق، شہریوں نے 15 کو تین بار کال کی، لیکن ہر بار موبائل ٹیم نے معاملے کو نظرانداز کیا اور غیر قانونی کام کرنے والوں سے پیسے لے کر چلی گئی۔ مقامی لوگوں کا کہنا ہے کہ پولیس موبائل نے موقع پر آ کر ناشتہ کیا اور پھر بغیر کسی کارروائی کے واپس چلی گئی۔ اس دوران، شہریوں نے 15 کی مبینہ لین دین کی فوٹیج بھی تیار کی ہے جو ان کی شکایات کی تصدیق کرتی ہے۔
پانی کے غیر قانونی کنکشن کرنے والوں کے پاس واٹر بورڈ کا کوئی لیٹر موجود نہیں ہے اور نہ ہی روڈ کٹنگ کا کوئی اجازت نامہ ہے۔ ان کے کاموں کے خلاف کوئی قانونی کارروائی نہ ہونے کی وجہ سے علاقے کی پولیس بھی خاموش تماشائی بنی ہوئی ہے۔ مین روڈ کی کمپلین کے باوجود، 15 کی ٹیم ہر بار اپنی جیب گرم کر کے واپس چلی جاتی ہے، جس سے غیر قانونی کاموں میں ملوث افراد کی حوصلہ افزائی ہو رہی ہے۔
مقامی لوگوں نے پولیس اور 15 کی اس مبینہ غفلت کے خلاف شدید احتجاج کیا ہے اور مطالبہ کیا ہے کہ غیر قانونی سرگرمیوں میں ملوث افراد کے خلاف سخت کارروائی کی جائے۔ ان کا کہنا ہے کہ اگر فوری طور پر کچھ نہ کیا گیا تو صورتحال مزید بگڑ سکتی ہے اور علاقے میں قانون کی بالادستی کو یقینی بنانا مشکل ہو جائے گا۔
