ایکسائز نارکوٹکس کنٹرول کی ٹیم نے کورنگی اور لیاری میں منشیات فروشوں کے خلاف کارروائیاں کیں۔ کورنگی کے مہران ٹاؤن، محمد خان گوٹھ میں کارروائی کے دوران دو منشیات فروش، عمیر الرحمان اور وقاص احمد، کو گرفتار کیا گیا۔ ملزمان کے قبضے سے 330 گرام اعلیٰ معیار کی آئس اور 510 گرام ہیروئن برآمد ہوئی۔ ان کے زیر استعمال ایک 125 سی سی موٹر سائیکل بھی ضبط کر لی گئی۔
تھانہ بریگیڈ پولیس نے اسٹریٹ کرائم میں ملوث ملزم عرفان کو گرفتار کر لیا
ملزمان کی نشاندہی پر لیاری کی بینظیر بھٹو شہید یونیورسٹی میں بھی کارروائی کی گئی، جس میں ایک اور منشیات فروش، محمد علی ولد شوکت علی، کو گرفتار کیا گیا۔ محمد علی عادی مجرم ہے اور متعدد بار جیل جا چکا ہے۔ اس کے قبضے سے 520 گرام اعلیٰ معیار کی آئس برآمد ہوئی اور منشیات کی ترسیل میں استعمال ہونے والی 125 سی سی موٹر سائیکل بھی تحویل میں لے لی گئی۔
نوشہرو فیروز میں ایکسائز نارکوٹکس کنٹرول کی کارروائی میں ملزم عمران علی بھٹی کو گرفتار کیا گیا، جس کے قبضے سے 400 گرام چرس برآمد ہوئی۔ ملزمان کے خلاف مقدمات درج کرکے تفتیش کا آغاز کر دیا گیا ہے۔