ہفتہ وار مہنگائی کی شرح میں مسلسل تیسرے ہفتے بھی اضافہ

تشکر نیوز: ادارہ شماریات کی جاری کردہ ہفتہ وار رپورٹ کے مطابق وفاقی بجٹ کے تین ہفتے بعد بھی ملک میں مہنگائی کا تسلسل جاری ہے۔ ہفتہ وار بنیادوں پر مہنگائی کی شرح میں 0.76 فیصد اضافہ ہوا ہے، جس سے سالانہ مجموعی مہنگائی کی شرح 24.36 فیصد تک پہنچ گئی ہے۔

پہلی بار فواد خان اور صنم سعید ’برزخ‘ میں بہن بھائی بنیں گے

رپورٹ کے مطابق ایک ہفتے کے دوران 29 اشیاء کی قیمتوں میں اضافہ ہوا جبکہ صرف 5 اشیاء کے نرخ کم ہوئے۔ مرغی کی قیمت میں فی کلو 38.29 روپے اضافہ ہوا اور اب اس کی قیمت 373 روپے سے بڑھ کر 412 روپے ہوگئی ہے۔ 390 گرام خشک دودھ 44.89 روپے مہنگا ہوگیا، پیٹرول فی لیٹر 10 روپے مہنگا ہوا، انڈے فی درجن 6.78 روپے اور لہسن فی کلو 10.42 روپے مہنگا ہوگیا۔ دالیں، تازہ دودھ، چینی، چاول اور دہی بھی مہنگی ہونے والی اشیاء میں شامل ہیں۔

دوسری جانب، ایک ہفتے کے دوران ٹماٹر فی کلو 7.29 روپے اور کیلے 3.62 روپے سستے ہوئے۔ پیاز، دال مسور اور ایل پی جی بھی سستی ہونے والی اشیاء میں شامل ہیں۔ جبکہ ڈبل روٹی، کوکنگ آئل، چائے کی پتی، سگریٹ سمیت 17 اشیاء کے دام مستحکم رہے۔