پاکستان اسٹاک ایکسچینج میں ریکارڈ تیزی، 100انڈیکس 81 ہزارکی حد عبور کر گیا

پاکستان اسٹاک ایکسچینج میں کاروباری ہفتے کے دوسرے روز ریکارڈ تیزی دیکھی جا رہی ہے جب کہ ابتدائی ٹریڈنگ کے دوران بینچ مارک کے ایس ای-100 انڈیکس تاریخ میں پہلی بار 81ہزارکی حد عبورکرگیا۔

گزشتہ روز بھی اسٹاک مارکیٹ میں تیزی کا رجحان دیکھا گیا تھا جب کہ اسٹاک ایکسچینج میں آگ لگنے کے بعد کچھ دیر کے لیے ٹریڈنگ روک دی گئی تھی۔

پاکستان اسٹاک ایکسچینج میں ریکارڈ تیزی، 100انڈیکس 81 ہزارکی حد عبور کر گیا

 

عارف حبیب کارپوریشن کے احسن محنتی نے مارکیٹ میں تیزی کے رجحان کو مستحکم آمدنی کے سیزن کی توقعات سے منسوب کیا جب کہ سرمایہ کاروں کی نظریں رواں مالی سال کے وفاقی بجٹ میں ٹیکس اصلاحات سے متعلق حکومتی اقدامات کے بعد آئی ایم ایف کے ساتھ اسٹاف لیول معاہدہ ہونے کی توقع ہے۔

 

سپریم کورٹ نے سنی اتحاد کونسل کی مخصوص نشستوں سے متعلق اپیل پر فیصلہ محفوظ کرلیا

انہوں نے کہا کہ شیئرز ہولڈرز کو منافع کی اچھی ادائیگیوں سے متعلق قیاس آرائیاں، اسٹیٹ بینک آف پاکستان کی جانب سے مانیٹری پالیسی میں نرمی اور خسارے کا شکار سرکاری اداروں کی نجکاری میں نجی شعبے کی مدد کے لیے عالمی بینک کی منظوری نے پاکستان اسٹاک مارکیٹ میں تیزی کے رجحان میں اہم کردار ادا کیا۔

ٹاپ لائن سیکیورٹیز لمیٹڈ نے بتایا کہ اسٹاک مارکیٹ کی عمارت کی چوتھی منزل پر آگ لگنے کی وجہ سے 2 گھنٹے تک ٹریڈنگ روک دی گئی تھی، عمارت کو خالی کرا لیا گیا تھا اور آگ پر قابو پانے کے بعد ٹریڈنگ دوبارہ شروع ہوئی۔

ٹریڈنگ کے دوران بینچ مارک انڈیکس 80 ہزار 738 پوائنٹس کی بلند سطح پر پہنچ گیا تھا جو گزشتہ کاروباری ہفتے کے مقابلے میں 353 پوائنٹس یا 0.77 فیصد اضافے کے بعد 80 ہزار 566 پر بند ہوا۔

61 / 100

One thought on “پاکستان اسٹاک ایکسچینج میں ریکارڈ تیزی، 100انڈیکس 81 ہزارکی حد عبور کر گیا

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Don`t copy text!