اسٹاک ایکسچینج میں تیزی، انڈیکس میں 554 پوائنٹس کا اضافہ

پاکستان اسٹاک ایکسچینج میں آج بھی تیزی کا رجحان برقرار ہے اور بینچ مارک کے ایس ای-100 انڈیکس میں 554 پوائنٹس کا اضافہ ہوا۔

پی ایس ایکس ویب سائٹ کے مطابق صبح تقریباً 10 بج کر 21 منٹ پر کے ایس ای-100 انڈیکس 554 پوائنٹس یا 0.7 فیصد بڑھ کر 79 ہزار 378 پر پہنچ گیا۔

واضح رہے کہ گزشتہ روز بھی انڈیکس 379 پوائنٹس یا 0.48 فیصد اضافے کے بعد 78 ہزار 824 پر بند ہوا تھا۔

ٹاپ لائن سیکیورٹیز کے چیف ایگزیکٹو محمد سہیل نے بتایا تھا کہ سرمایہ کاروں کو توقع ہے کہ (کنزیومر پرائس انڈیکس) مہنگائی کی شرح میں کمی ہوگی۔

اسٹاک ایکسچینج میں تیزی، انڈیکس میں 554 پوائنٹس کا اضافہ

 

مزید کہنا تھا کہ مزید توقع ہے کہ بجٹ کی منظوری کے بعد عالمی مالیاتی ادارے (آئی ایم ایف) کے ساتھ نئے قرض پروگرام پر اسٹاف کی سطح کا معاہدہ ہو جائے گا۔

ای ایف جی ہرمیس پاکستان کے چیف ایگزیکٹو رضا جعفری نے روشنی ڈالی تھی کہ مالی سال 2025 کے بجٹ کی منظوری آئی ایم ایف قرض پروگرام لینے کی طرف ایک بڑا قدم ہے اور سرمایہ کاروں کی جانب سے اسے مثبت دیکھا جا رہا ہے۔

ان کا کہنا تھا کہ اگلی مانیٹری پالیسی میں شرح سود میں کمی جاری رہنے کی توقع ہے، ان عوامل کے نتیجے میں تیزی کا رجحان ہے۔

چیس سیکیورٹیز کے ڈائریکٹر ریسرچ یوسف ایم فاروق نے اس پیش رفت کو بجٹ کی منظوری کو وجہ قرار دیا تھا، جس کے سبب پاکستان کی آئی ایم ایف کے ساتھ نئے قرض پروگرام پر معاہدہ ہو سکے گا۔

لاہور: مریم نواز کی کامیابی کے خلاف اپیل پر الیکشن کمیشن کو فارم 45 کا ریکارڈ پیش کرنے کی مہلت

 

اے کے ڈی سیکیورٹیز کے ڈائریکٹر ریسرچ اویس اشرف نے کہا تھا کہ آئی ایم ایف کے مطابق بجٹ کی منظوری سے سرمایہ کاروں کا اعتماد بڑھانے میں مدد ملی ہے۔

20 جون کو پاکستان اسٹاک ایکسچینج میں زبردست تیزی کا رجحان رہا تھا، اور بینچ مارک کے ایس ای-100 انڈیکس 2094 پوائنٹس اضافے کے بعد 78 ہزار 801 کی نئی بلند سطح پر پہنچ گیا تھا۔

اس سے اگلے روز ابتدائی ٹریڈنگ کے دوران کے ایس ای-100 انڈیکس 1199 پوائنٹس اضافے کے بعد 80 ہزار کی نئی بُلند ترین سطح پر پہنچ گیا، تاہم کاروبار کے اختتام تک یہ رجحان برقرار نہیں رہ سکا تھا اور انڈیکس محض 9 پوائنٹس اضافے سے 78 ہزار 810 پر بند ہوا تھا۔

اس سے قبل 12 جون کو بجٹ پیش کیے جانے کے بعد 14 جون کو بینچ مارک کے ایس ای-100 انڈیکس 877 پوائنٹس اضافے کے بعد تاریخ میں پہلی بار 77 ہزار کی سطح عبور کر گیا تھا۔

24 مئی کو بینچ مارک کے ایس ای-100 انڈیکس 76 ہزار پوائنٹس کی نئی بُلند ترین سطح پر پہنچا تھا۔

15 مئی کو انڈیکس 565 پوائنٹس اضافہ کے ساتھ 100 انڈیکس 75 ہزار 96 پوائنٹس کی نئی بلند ترین سطح پر پہنچ گیا تھا۔

اس سے قبل پاکستان اسٹاک ایکسچینج میں بینچ مارک کے ایس ای-100 انڈیکس 74 ہزار کی حد عبور کرگیا تھا۔

10 مئی کو پاکستان اسٹاک ایکسچینج میں مثبت رجحان دیکھا گیا تھا جب ابتدائی ٹریڈنگ کے دوران ہی بینچ مارک کے ایس ای-100 انڈیکس میں 427 پوائنٹس اضافے سے 73 ہزار کی نفسیاتی حد بحال ہو گئی تھی۔

58 / 100

One thought on “اسٹاک ایکسچینج میں تیزی، انڈیکس میں 554 پوائنٹس کا اضافہ

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Don`t copy text!