تشکر نیوز: آئی جی سندھ غلام نبی میمن نے سندھ پولیس کے کانسٹیبل شاہنواز خان کو ساؤتھ ایشین باڈی بلڈنگ ٹائٹل جیتنے پر 5 لاکھ روپے انعام اور تعریفی سند سے نوازا۔
کراچی، 20 جون 2024: آئی جی سندھ غلام نبی میمن نے سینٹرل پولیس آفس کراچی میں ضلع غربی تھانہ مومن آباد کے کانسٹیبل شاہنواز خان سے ملاقات کی اور انہیں ساؤتھ ایشین باڈی بلڈنگ ٹائٹل چیمپیئن آف دی چیمپیئن جیتنے پر مبارکباد دی۔ اس موقع پر آئی جی سندھ نے شاہنواز خان کو 5 لاکھ روپے نقد انعام اور تعریفی سند پیش کی۔
کراچی دو دریا فائرنگ واقعہ: 3 افراد زخمی، 4 ملزمان گرفتار
آئی جی سندھ نے کہا کہ ایشین باڈی بلڈنگ کا ٹائٹل جیت کر آپ نے نہ صرف پاکستان بلکہ محکمہ سندھ پولیس کا نام بھی روشن کیا ہے۔ انہوں نے مزید کہا کہ سندھ پولیس ہمیشہ صحت مند سرگرمیوں کو سپورٹ کرتی ہے اور اس کی مختلف اسپورٹس ٹیمز ملکی و غیر ملکی مقابلوں میں حصہ لے رہی ہیں۔
انہوں نے کانسٹیبل شاہنواز خان کو یقین دلایا کہ آئندہ باڈی بلڈنگ کے مقابلوں میں بھی سندھ پولیس مکمل سپورٹ فراہم کرے گی۔
اس موقع پر ایڈشنل آئی جی ویلفیر، ڈی آئی جی اسٹبلشمنٹ، ایس ایس پی ویسٹ، اور اے آئی جی ویلفیر اور فنانس بھی موجود تھے۔