تشکر نیوز: پاک فوج کے شعبہ تعلقات عامہ (آئی ایس پی آر) کی جانب سے بہاولنگر واقعے پربیان سامنے آگیا ہے۔
ترجمان پاک فوج کی جانب سے جاری کیے گئے بیان میں کہا گیا ہے کہ حال ہی میں بہاولنگر میں ایک افسوسناک واقعہ پیش آیا جسے فوج اور پولیس حکام کی مشترکہ کوششوں سے فوری طور پر حل کیا گیا۔
آئی ایس پی آر نے بتایا کہ بعض عناصر نے مخصوص مقاصد کے حصول کے لیے ریاستی اداروں اور سرکاری محکموں کے درمیان تقسیم پیدا کرنے کے لئے سوشل میڈیا پر پروپیگنڈا کیا۔
ترجمان پاک فوج کے مطابق منصفانہ اور بامقصد تحقیقات کو یقینی بنانے کیلئے مشترکہ انکوائری کی جائے گی تاکہ قوانین کی خلاف ورزی اور اختیارات کے ناجائز استعمال کرنے والے ذمہ داران کا تعین کیا جاسکے۔
آئی ایس پی آر نے مزید کہا کہ سیکیورٹی اور پولیس اہلکاروں پر مشتمل مشترکہ ٹیم حقائق کا پتہ لگاکر انکوائری میں ذمہ داران کا تعین کرے گی۔