سعودی عرب کے ریاض ایئرپورٹ پر پروازیں بحال کرنے کا اعلان کیا گیا ہے۔ ایئرپورٹ انتظامیہ کے مطابق ٹرمینل ون اندرونِ ملک پروازوں کے لیے مختص ہوگا۔ ٹرمینل ٹو سعودی فضائی کمپنیوں کی بین الاقوامی پروازوں کے لیے استعمال کیا جائے گا۔
برطانوی نشریاتی ادارے کے مطابق فلائٹ ریڈار کے اعداد و شمار سے ظاہر ہوتا ہے کہ آج صبح ریاض ایئرپورٹ سے ایک طیارہ جدہ کے لیے روانہ ہوا۔
حوثی حملوں سے فضائی آپریشن متاثر
رپورٹ کے مطابق اکتوبر میں یمن کے حوثی جنگجوؤں کے حملوں کے باعث ایئرپورٹ کا فضائی آپریشن بری طرح متاثر ہوا تھا۔ حوثیوں نے 10 اکتوبر کو ہونے والے ایک حملے کی ذمہ داری قبول کی تھی۔
رپورٹ میں بتایا گیا کہ اس حملے میں 13 افراد ہلاک اور 300 سے زائد زخمی ہوئے تھے۔
حوثیوں کی نئی تنبیہ
پروازیں بحال کرنے کے اعلان کے باوجود حوثی فوجی ترجمان یحییٰ سریع نے دوبارہ تنبیہ جاری کی ہے۔ انہوں نے ایئرلائنز، ایئرپورٹ کے عملے اور مسافروں کو ریاض ایئرپورٹ استعمال نہ کرنے کا کہا ہے۔
دوسری جانب سعودی محکمہ شہری دفاع کے مطابق آج صبح قومی ہنگامی نظام کے ذریعے ریاض کے رہائشیوں کو انتباہ بھیجا گیا۔ اس کا مقصد ممکنہ خطرے سے آگاہ کرنا تھا۔
