ضلع کورنگی کی زمان ٹاؤن پولیس نے مبینہ جوئے کے اڈے پر کارروائی کرتے ہوئے 6 ملزمان کو گرفتار کرلیا۔
ترجمان ضلع کورنگی پولیس کے مطابق گرفتار افراد جوئے میں ملوث تھے۔ پولیس نے موقع سے جوئے پر لگائی گئی 17 ہزار 200 روپے نقدی بھی برآمد کی۔
گرفتار ملزمان کی شناخت
پولیس کے مطابق گرفتار ملزمان میں وسیم ولد فرید عالم، شہزاد ولد یوسف، سکندر ولد عبدالسلام، اسماعیل ولد شریف، وقارالسلام ولد ایوب اور جسیم ولد محمد حسین شامل ہیں۔
مقدمہ درج، سابقہ ریکارڈ کی جانچ جاری
زمان ٹاؤن پولیس نے گرفتار ملزمان کے خلاف مقدمہ نمبر 1199/2026 درج کرلیا ہے۔ مقدمہ قمار بازی ایکٹ کی دفعہ 5-A کے تحت درج کیا گیا۔
پولیس کے مطابق ملزمان کے سابقہ مجرمانہ ریکارڈ کی جانچ جاری ہے۔