گلبہار پولیس مقابلہ: زخمی گرفتار ملزم کا سابقہ ریکارڈ سامنے آگیا

کراچی: گلبہار پولیس مقابلے کے بعد زخمی حالت میں گرفتار ملزم وقار عرف کوکو کا سابقہ ریکارڈ سامنے آگیا۔

پولیس کے مطابق ملزم وقار عرف کوکو ولد علی مرجان نے دورانِ تفتیش متعدد وارداتوں میں ملوث ہونے کا انکشاف کیا ہے۔

ملزم نے ڈسٹرکٹ سینٹرل اور ڈسٹرکٹ ویسٹ کے مختلف علاقوں میں وارداتوں کا اعتراف کیا ہے۔

پولیس کے مطابق ملزم سے برآمد ہونے والا Infinix Hot 40 موبائل فون ریکارڈ کے ذریعے چیک کیا گیا۔

موبائل فون تھانہ گلبہار کے مقدمہ نمبر 23/2026 سے منسلک نکلا۔ پولیس کے مطابق مقدمہ ڈکیتی کی دفعات کے تحت درج ہے۔

ملزم سے برآمد موٹرسائیکل بھی چوری شدہ نکلی۔ پولیس کے مطابق موٹرسائیکل تھانہ میٹھادر کی حدود سے چوری ہوئی تھی۔

پولیس کے مطابق وقار عرف کوکو پہلے بھی مختلف مقدمات میں گرفتار ہو کر جیل جا چکا ہے۔

اس کا سابقہ ریکارڈ درج ذیل مقدمات پر مشتمل ہے:

پولیس نے بتایا کہ ملزم سے مزید تفتیش جاری ہے۔ اس دوران دیگر وارداتوں سے متعلق معلومات حاصل کی جا رہی ہیں۔

پولیس کے مطابق ملزم کے ممکنہ ساتھیوں کے بارے میں بھی تفتیش کی جا رہی ہے۔

پولیس کا کہنا ہے کہ مزید شواہد اور معلومات سامنے آنے کی توقع ہے۔