پولیس مددگار 15 ناظم آباد نے ڈکیتی کی اطلاع پر فوری کارروائی کرتے ہوئے چھینی گئی موٹر سائیکل برآمد کرلی۔
پولیس کے مطابق مددگار 15 ناظم آباد کو ڈکیتی کی اطلاع موصول ہوئی تھی۔ اہلکار موقع پر پہنچے اور کالر سے اہم معلومات حاصل کیں۔
مسلح ملزمان قیمتی سامان چھین کر فرار
کالر کے مطابق 4 مسلح موٹر سائیکل سواروں نے اسے لوٹ لیا۔ ملزمان دو موبائل فونز، موٹر سائیکل اور نقد رقم لے گئے۔
پولیس کے مطابق ملزمان نے کمپنی کی ڈیوائس بھی چھینی۔ تقریباً 2 لاکھ روپے مالیت کے سگریٹ بھی لوٹ لیے گئے۔
کالر نے پولیس کو بتایا کہ چھینی گئی موٹر سائیکل کی ٹریکر لوکیشن معلوم ہورہی ہے۔
ٹریکر لوکیشن سے موٹر سائیکل برآمد
مددگار 15 ناظم آباد کی ٹیم نے بتائی گئی لوکیشن پر پہنچ کر کارروائی کی۔ پولیس نے وہاں سے چھینی گئی موٹر سائیکل برآمد کرلی۔
پولیس کے مطابق کارروائی کے دوران کوئی گرفتاری عمل میں نہیں آئی۔ کالر نے مددگار 15 کی بروقت کارروائی کو سراہا اور پولیس کا شکریہ ادا کیا۔
