کراچی پولیس کے ایڈیشنل آئی جی آزاد خان نے شہید بینظیر بھٹو ایلیٹ پولیس ٹریننگ سینٹر رزاق آباد میں ایلیٹ کورس کی پاسنگ آؤٹ تقریب میں شرکت کی۔
آزاد خان نے تقریب میں بطور مہمان خصوصی شرکت کی۔ آمد پر پولیس کے چاق و چوبند دستے نے انہیں سلامی پیش کی۔
سندھ کے مختلف اضلاع سے تعلق رکھنے والے 544 پولیس اہلکاروں نے کورس کامیابی سے مکمل کیا۔ تربیت مکمل کرنے والوں میں لیڈی کانسٹیبلز بھی شامل تھیں۔
نمایاں کارکردگی پر انعامات
تقریب میں ڈی آئی جی ٹریننگ، ڈی آئی جی ایسٹ، کمانڈنٹ ایلیٹ پولیس ٹریننگ سینٹر، ایس ایس پی ملیر اور دیگر سینئر پولیس افسران نے شرکت کی۔
ایڈیشنل آئی جی کراچی نے تربیت مکمل کرنے والے اہلکاروں کو مبارکباد دی۔ انہوں نے نمایاں کارکردگی دکھانے والے اہلکاروں میں تعریفی اسناد اور انعامات بھی تقسیم کیے۔
آزاد خان نے تربیتی اہلکاروں کی عملی مشقوں کا معائنہ کیا۔ انہوں نے جوانوں کی پیشہ ورانہ مہارت، نظم و ضبط اور جذبے کو سراہا۔
تقریب کے اختتام پر کمانڈنٹ رزاق آباد ٹریننگ سینٹر نے ایڈیشنل آئی جی کراچی کو شیلڈ پیش کی۔
