کلفٹن کے پوش علاقے باتھ آئی لینڈ کے قریب اسٹریٹ کرائم کی واردات سامنے آئی ہے۔ ٹکری کالونی میں موٹر سائیکل سوار مسلح ملزمان نے شہریوں کو اسلحے کے زور پر لوٹ لیا۔
پولیس کے مطابق واردات یکم ستمبر کو پیش آئی۔ واقعے کی سی سی ٹی وی فوٹیج بھی سامنے آگئی ہے۔
فوٹیج میں موٹر سائیکل پر سوار تین نامعلوم مسلح ملزمان شہریوں سے لوٹ مار کرتے دکھائی دیتے ہیں۔ ملزمان نے شہریوں کو اسلحہ دکھا کر قیمتی سامان چھینا۔
سی سی ٹی وی فوٹیج میں ملزمان کے چہرے واضح دکھائی دے رہے ہیں۔ پولیس نے واقعے کا مقدمہ درج کرلیا ہے۔
پولیس کے مطابق ملزمان کی شناخت اور گرفتاری کے لیے تلاش شروع کردی گئی ہے۔ تفتیشی ٹیمیں سی سی ٹی وی فوٹیج کی مدد سے ملزمان تک پہنچنے کی کوشش کر رہی ہیں۔