ایم ڈی کیٹ 2026 کا امتحان مؤخر کر دیا گیا ہے۔
پاکستان میڈیکل اینڈ ڈینٹل کونسل (پی ایم ڈی سی) نے اس فیصلے کا اعلامیہ جاری کر دیا۔
پی ایم ڈی سی کے مطابق 16 اگست کو شیڈول امتحان اب 20 ستمبر 2026 کو ہوگا۔
کونسل نے بتایا کہ وزیراعظم کی ہدایت پر امتحان کی تاریخ تبدیل کی گئی ہے۔
اعلامیے کے مطابق یہ فیصلہ امتحان کو شفاف، محفوظ اور منظم بنانے کے لیے کیا گیا۔
پی ایم ڈی سی نے کہا کہ امتحان کی دیگر تمام شرائط برقرار رہیں گی۔
امتحانی مراکز اور انتظامات میں بھی کوئی تبدیلی نہیں کی گئی۔
کونسل نے امیدواروں سے کہا کہ وہ تازہ معلومات صرف سرکاری ویب سائٹ اور آفیشل ذرائع سے حاصل کریں۔
پی ایم ڈی سی نے تاریخ کی تبدیلی پر امیدواروں سے معذرت بھی کی۔
اس نے امید ظاہر کی کہ نئی تاریخ سے امتحان کے بہتر انتظامات یقینی بنائے جا سکیں گے۔
