کراچی: شہر قائد میں آج موسم گرم اور مرطوب رہنے کا امکان ہے، جبکہ درجہ حرارت میں اضافے کے ساتھ حبس کی شدت بھی برقرار رہے گی۔
محکمہ موسمیات کے مطابق کراچی میں کم سے کم درجہ حرارت 29.5 ڈگری سینٹی گریڈ ریکارڈ کیا گیا ہے جبکہ اس وقت موجودہ درجہ حرارت 31 ڈگری سینٹی گریڈ ہے۔ ہوا میں نمی کا تناسب 75 فیصد ریکارڈ کیا گیا ہے جس کے باعث گرمی کی شدت زیادہ محسوس کی جا رہی ہے۔
محکمہ موسمیات کے مطابق آج زیادہ سے زیادہ درجہ حرارت 35 سے 37 ڈگری سینٹی گریڈ کے درمیان رہنے کا امکان ہے، جبکہ موسم گرم اور مرطوب رہے گا۔
رپورٹ کے مطابق جنوب مغرب سے 8 کلومیٹر فی گھنٹہ کی رفتار سے ہوائیں چل رہی ہیں، تاہم حبس کے باعث شہریوں کو زیادہ گرمی محسوس ہو رہی ہے۔