صدر مملکت Asif Ali Zardari نے یومِ تکبیر کے موقع پر اپنے خصوصی پیغام میں کہا ہے کہ پاکستان ایک ذمہ دار اور امن پسند ایٹمی ریاست ہے۔
مارکو روبیو کا بیان: آبنائے ہرمز ہر صورت کھلنا ہوگی
اپنے پیغام میں صدر آصف علی زرداری نے کہا کہ یومِ تکبیر پاکستان کے ناقابلِ تسخیر دفاع اور قومی خودمختاری کی علامت ہے جبکہ 28 مئی 1998 کا دن پاکستان کو اسٹریٹجک خودمختاری عطا کرنے کا تاریخی لمحہ تھا۔
انہوں نے کہا کہ پاکستان نے ایٹمی پروگرام قومی سلامتی کے تقاضوں کے تحت شروع کیا اور قوم اپنے سائنس دانوں اور مسلح افواج کو خراجِ تحسین پیش کرتی ہے۔
صدر مملکت کا کہنا تھا کہ عالمی دباؤ اور پابندیوں کے باوجود پاکستان نے اپنے قومی مفاد اور دفاع کا بھرپور تحفظ کیا۔ انہوں نے کہا کہ پاکستان کی دفاعی حکمتِ عملی خطے میں امن و استحکام کی ضامن ہے جبکہ جدید جنگوں میں سائبر وارفیئر، مصنوعی ذہانت اور ڈرونز اہم کردار ادا کریں گے۔
آصف علی زرداری نے واضح کیا کہ پاکستان کسی کے خلاف جارحانہ عزائم نہیں رکھتا، تاہم کسی بھی جارحیت کا فوری اور بھرپور جواب دینے کی مکمل صلاحیت رکھتا ہے۔
واضح رہے کہ بھارت کے ایٹمی دھماکوں کے جواب میں پاکستان نے 28 مئی 1998 کو Chagai میں کامیاب ایٹمی دھماکے کیے تھے، جس کے بعد ہر سال اس دن کو ’’یومِ تکبیر‘‘ کے طور پر منایا جاتا ہے۔