وزیراعظم شہباز شریف نے آبنائے ہرمز سے بحری جہازوں کی نقل و حرکت میں معاونت کے لیے امریکی منصوبے ’پروجیکٹ فریڈم‘ کو عارضی طور پر روکنے کے فیصلے پر امریکی صدر Donald Trump کا شکریہ ادا کرتے ہوئے اسے خطے میں امن کے لیے مثبت پیش رفت قرار دیا ہے۔
Wednesday, 6th May 2026
سماجی رابطے کی ویب سائٹ پر اپنے بیان میں Shehbaz Sharif نے کہا کہ صدر ٹرمپ نے بروقت اور جراتمندانہ قیادت کا مظاہرہ کرتے ہوئے اس منصوبے کو روکنے کا اعلان کیا، جس سے خطے میں کشیدگی کم کرنے میں مدد ملے گی۔
وزیراعظم نے کہا کہ پاکستان اور دیگر برادر ممالک، خصوصاً Saudi Arabia کی قیادت کی جانب سے کی گئی سفارتی کوششوں پر مثبت ردعمل دینا ایک اہم پیش رفت ہے، جو خطے میں امن، استحکام اور مفاہمت کو فروغ دینے میں معاون ثابت ہوگی۔
انہوں نے اس امید کا اظہار کیا کہ یہ اقدام جاری کشیدگی میں کمی لانے اور مذاکرات کے ذریعے مسائل کے پُرامن حل کی راہ ہموار کرے گا۔ وزیراعظم کے مطابق پاکستان ہمیشہ تحمل، مکالمے اور سفارت کاری کے ذریعے تنازعات کے حل کی حمایت کرتا رہا ہے اور آئندہ بھی اس پالیسی پر قائم رہے گا۔
شہباز شریف نے مزید کہا کہ موجودہ پیشرفت ایک دیرپا معاہدے کی بنیاد رکھ سکتی ہے، جس سے نہ صرف خطے بلکہ عالمی سطح پر بھی پائیدار امن اور استحکام کو فروغ ملے گا۔