کراچی: 7 مارچ 2026 کو نشتر پارک میں آیت اللہ سید علی خامنہ ای کی شہادت اور یکم مارچ کے احتجاج کے دوران شہید ہونے والے سوگواران کے اعزاز میں عظیم الشان تعزیتی جلسہ منعقد کیا جائے گا۔ اس موقع پر مختلف مکاتبِ فکر کے علماء اور رہنما بھی شرکت کریں گے جبکہ شہر بھر سے سوگواران ریلیوں کی صورت میں جلسہ گاہ پہنچیں گے۔
حکومت کا فیصلہ: پیٹرول اور ڈیزل کی قیمتوں میں فی لیٹر 55 روپے اضافہ
جلسے میں رہبرِ انقلاب اور دیگر شہداء کے حوالے سے آئندہ کے لائحہ عمل کا اعلان کیا جائے گا۔ یکم مارچ کے احتجاج کے دوران ملک بھر میں مجموعی طور پر 26 افراد شہید اور سینکڑوں افراد زخمی ہوئے، جبکہ کراچی میں امریکی میرینز کی فائرنگ سے 11 افراد کی شہادت کا دعویٰ کیا گیا ہے۔ اسلام آباد، گلگت بلتستان اور لاہور میں بھی مظاہرین پر تشدد کے واقعات رپورٹ ہوئے اور متعدد افراد زخمی ہوئے۔
مظاہرین کی گرفتاری کے خلاف شدید احتجاج کیا گیا اور مطالبہ کیا گیا کہ گرفتار مظاہرین کو فوری رہا کیا جائے، اور کراچی میں قائم مقدمات ختم کیے جائیں۔ علاوہ ازیں، کراچی واقعے کی شفاف تحقیقات کرائی جائیں اور امریکی سفارتی مشن کو معطل کیا جائے، یہ بھی عوام کا مطالبہ ہے۔
علاوہ ازیں، ایامِ علیؑ کے جلوسوں اور یوم القدس کی ریلیوں کے لیے سخت سکیورٹی انتظامات کرنے کی ضرورت پر زور دیا گیا۔ رہبرِ انقلاب کی شہادت کے باعث اس سال یوم القدس پر عوامی شرکت میں نمایاں اضافہ ہونے کا امکان ہے، اور مطالبہ کیا گیا ہے کہ یوم القدس کو سرکاری سطح پر منانے کے لیے عام تعطیل کا اعلان کیا جائے۔