کولمبو: ICC Men’s T20 World Cup کے سپر 8 مرحلے میں پاکستان اور New Zealand national cricket team کے درمیان اہم میچ پر بارش کے سائے منڈلانے لگے۔
سپر 8 کا اہم معرکہ: بابر اعظم مخصوص کردار میں واپس، نیوزی لینڈ کے خلاف حکمتِ عملی تیار
دونوں ٹیمیں کل بروز ہفتہ کولمبو کے معروف R. Premadasa Stadium میں آمنے سامنے ہوں گی، تاہم موسمی صورتحال اس بڑے مقابلے کے لیے خطرے کی گھنٹی بن گئی ہے۔
شائقین کرکٹ اس میچ کو سپر 8 مرحلے کا اہم ترین معرکہ قرار دے رہے ہیں، لیکن سری لنکا میں جاری حالیہ میچز کی طرح اس مقابلے پر بھی بارش کا شدید خدشہ ظاہر کیا جا رہا ہے۔
بین الاقوامی موسمیاتی ادارے AccuWeather کے مطابق کولمبو میں میچ کے روز بارش کا امکان 74 فیصد تک ہے، جبکہ تیز ہواؤں کی بھی پیشگوئی کی گئی ہے، جس سے کھیل متاثر ہونے کا اندیشہ بڑھ گیا ہے۔
آئی سی سی قوانین کے مطابق سپر 8 مرحلے کے میچز کے لیے کوئی ریزرو ڈے مختص نہیں ہے۔ اگر بارش کے باعث دونوں ٹیمیں کم از کم فی اننگز پانچ اوورز بھی مکمل نہ کر سکیں تو میچ منسوخ تصور ہوگا اور دونوں ٹیموں کو ایک، ایک پوائنٹ دے دیا جائے گا۔
ایسی صورتحال میں پوائنٹس ٹیبل پر اثرات نمایاں ہو سکتے ہیں اور سیمی فائنل کی دوڑ مزید سنسنی خیز ہو جائے گی۔