کورنگی میں خاتون اور بچوں سمیت 5 افراد کھلے نالے میں گر گئے، 3 اسپتال منتقل

کراچی کے علاقے کورنگی میں ایک خطرناک واقعہ پیش آیا، جہاں مہران ٹاؤن میں خاتون اور بچوں سمیت 5 افراد کھلے گٹر میں جا گرے۔ یہ واقعہ اس وقت پیش آیا جب یہ افراد ایک تقریب سے واپس آ رہے تھے۔

حافظ نعیم الرحمان کی پیپلز پارٹی پر شدید تنقید، بلاول کا مشن کراچی کو موئن جو دڑو بنانے کا الزام

ریسکیو حکام کے مطابق اطلاع ملتے ہی موقع پر پہنچ کر پانچوں افراد کو نالے سے نکالا گیا۔ ان میں سے تین افراد کو بے ہوشی کی حالت میں اسپتال منتقل کیا گیا۔ باقی دو کی حالت خطرے سے باہر بتائی گئی ہے۔

حکام نے بتایا کہ واقعہ اس وقت پیش آیا جب نکاسی آب کے لیے بنائے گئے نالے کی چھت ایک جگہ سے ٹوٹ گئی، اور اسی ٹوٹے ہوئے حصے سے تمام افراد نالے میں گر گئے۔

یہ واقعہ اس بات کا غماز ہے کہ کراچی میں نکاسی آب کے نظام کی ناقص حالت شہریوں کی زندگیوں کے لیے سنگین خطرہ بن چکی ہے۔ ریسکیو حکام نے شہریوں سے اپیل کی ہے کہ کھلے نالوں اور ٹوٹے ہوئے ڈھکنوں سے دور رہیں اور حکام فوری اقدامات کریں۔