ہنگو: جمیعت علمائے اسلام کے رہنما حافظ حمد اللہ نے کہا ہے کہ 18 سال سے کم عمر نکاح پر پابندی قرآن و سنت کے خلاف ہے۔ انہوں نے میڈیا سے گفتگو کرتے ہوئے کہا کہ 27 ویں آئینی ترمیم کے بعد 73 کا آئین دفن ہوگیا ہے۔
حافظ حمد اللہ نے مزید کہا کہ دینی مدارس اور سودی نظام کے خاتمے کے قوانین پر عمل درآمد نہ ہو سکا اور گھریلو تشدد کے خلاف پاس کیے گئے قوانین بھی قرآن و سنت کے مطابق نہیں ہیں۔
انہوں نے قومی ائر لائن کی نجکاری کو بھی بڑی معاشی ناکامی قرار دیتے ہوئے کہا کہ پاکستان 80 ارب ڈالر کا مقروض ہے، کیا اسے بھی پرائیویٹ کیا جائے گا؟
حافظ حمد اللہ کا موقف ہے کہ ملکی قوانین اور اصلاحات اسلامی تعلیمات کے مطابق ہونی چاہئیں تاکہ معاشرتی اور اقتصادی نظام میں توازن قائم رہے۔