بلوچستان: پاکستان کوسٹ گارڈز نے گزشتہ دو ماہ کے دوران بلوچستان کے سرحدی علاقے جیوانی سے غیر قانونی طور پر آمد و رفت کرنے والے ایک سو تئیس (123) تارکین وطن کو گرفتار کر لیا۔
بن قاسم پولیس کی اسٹیل مل سے لوہے اور مشینری کی بڑی چوری کے خلاف کارروائی، 6 ملزمان گرفتار
کوسٹ گارڈز کے مطابق گرفتار افراد بغیر کسی قانونی دستاویزات کے ایران اور پاکستان کے درمیان غیر قانونی سفر کر رہے تھے۔ ابتدائی تفتیش کے بعد تمام گرفتار افراد کو مزید قانونی کارروائی اور تحقیقات کے لیے ایف آئی اے حکام کے حوالے کیا گیا۔
پاکستان کوسٹ گارڈز نے انسانی اسمگلنگ کے خلاف کارروائیوں کے عزم کا اعادہ کرتے ہوئے کہا کہ مستقبل میں بھی اس طرح کی کارروائیاں تسلسل کے ساتھ جاری رکھی جائیں گی اور اس مقصد کے لیے تمام دستیاب وسائل بروئے کار لائے جائیں گے۔
