کراچی: ایس ایس پی سینٹرل ذیشان شفیق صدیقی کے احکامات پر تھانہ نیو کراچی انڈسٹریل ایریا پولیس نے ایک کامیاب کارروائی کرتے ہوئے ایک ملزم کو اسلحہ سمیت گرفتار کر لیا ہے۔
پولیس کے مطابق کارروائی اندرون گلی نزد صبا سینما، سیکٹر 6-B نیو کراچی میں مؤثر حکمتِ عملی کے تحت عمل میں لائی گئی۔ گرفتار ملزم کی شناخت محمد انیس ولد محمد احمد کے طور پر ہوئی۔
گرفتار ملزم کے قبضے سے ایک عدد 9MM پستول بلا نمبر، دو راؤنڈ لوڈ میگزین، ایک ٹچ اسکرین موبائل فون اور نقد رقم 110 روپے برآمد کی گئی۔
ملزم کے خلاف تھانہ نیو کراچی میں مقدمہ الزام نمبر 709/2025 درج کر کے دفعہ 23(i) A سندھ آرمز ایکٹ کے تحت قانونی کارروائی شروع کر دی گئی ہے۔
ترجمان ایس ایس پی ڈسٹرکٹ سینٹرل نے بتایا کہ پولیس کی یہ کارروائی عوام کی حفاظت اور جرائم کے خاتمے کے لیے کی گئی ہے، اور مزید قانونی اقدامات جاری ہیں۔