گیونگجو (اسٹاف رپورٹر) — امریکی صدر ڈونلڈ ٹرمپ نے جنوبی کوریا میں منعقدہ ایپک سی ای او سمٹ کے ظہرانے میں بات چیت کرتے ہوئے پاک فوج کے سربراہ فیلڈ مارشل عاصم منیر کی تعریف کرتے ہوئے انہیں "زبردست فائٹر” قرار دیا۔ صدر ٹرمپ نے کہا کہ پاکستان کے وزیراعظم اور فیلڈ مارشل دونوں بہت اچھے آدمی ہیں۔
ماڈل کالونی پولیس کی کارروائی، اشتہاری ملزم سید اویس اسلام گرفتار
صدر ٹرمپ نے اپنی تقریر میں پاکستان اور بھارت کے مابین سابقہ تناؤ کا حوالہ دیتے ہوئے دعویٰ کیا کہ دونوں ممالک کے درمیان یہ کشیدگی اتنی سنگین تھی کہ جنگ کے دوران سات طیارے مار گرائے گئے۔ انہوں نے کہا کہ چونکہ دونوں ممالک ایٹمی طاقتیں ہیں، اس لیے اس قسم کی کشیدگی انتہائی خطرناک تھی۔
ٹرمپ نے مزید کہا کہ انہوں نے اس صورتحال میں امریکی اثر و رسوخ استعمال کرتے ہوئے دونوں رہنماؤں کو فون کیا اور انہیں جنگ ختم کرنے کا پیغام دیا۔ ان کے بقول، انہوں نے وزیراعظم مودی کو بھی انتباہ کیا اور پاکستان کو بھی کہا کہ اگر جنگ نہ روکی گئی تو وہ تجارتی اقدامات کریں گے۔ صدر ٹرمپ نے دعویٰ کیا کہ انہوں نے دونوں ممالک کو خبردار کیا کہ جنگ جاری رہی تو وہ 250 فیصد ٹیکس عائد کردیں گے — جس کا مفہوم یہ تھا کہ اس صورت میں تجارت شدید متاثر ہوگی — اور اسی دباؤ کے تحت دونوں فریقین نے 48 گھنٹوں میں لڑائی بند کر دی۔
صد ر ٹرمپ نے اپنی تقریر میں یہ سوال بھی اٹھایا کہ کیا سابقہ انتظامیہ (بائیڈن) اسی طرح فوری اور مؤثر انداز میں مسئلہ حل کر سکتی تھی یا نہیں، اور کہا کہ ان کا عمل لاکھوں جانوں کو بچانے کے مترادف تھا۔
صدر کے ان بیانات اور دعوؤں کا حوالہ اور تناظر انہی کے الفاظ میں دیا گیا ہے۔