سیکیورٹی ذرائع کے مطابق مضافاتی علاقوں سے موصول شدہ خفیہ اطلاعات کی بنیاد پر سیکیورٹی فورسز نے بارہ روزہ نگرانی اور تیاری کے بعد 16 اکتوبر کو انٹیلی جنس بیسڈ آپریشن انجام دیا۔ آپریشن کے دوران سکیورٹی فورسز اور دہشتگردوں کے مابین شدید فائرنگ کا تبادلہ ہوا جس کے نتیجے میں 6 دہشتگرد ہلاک اور 3 زخمی ہوئے۔
فلسطین غزہ کی تعمیرِ نو کے لیے محمد مصطفیٰ کا 65 ارب ڈالر کا تین مرحلوں پر مبنی منصوبہ دوحہ معاہدے کے بعد غیر یقینی صورتِ حال برقرار
ہلاک شدگان میں فتنہ الخوارج کے کمانڈر محبوب عرف محمد بھی شامل ہے، جنہیں آپریشن کے دوران ہلاک کیا گیا۔ سیکیورٹی ذرائع نے بتایا کہ واقعہ علاقے میں امن اور استحکام کے خلاف سرگرم عنصر اور نیٹ ورکس کے خلاف جاری آپریشنز کا حصہ تھا۔
ذرائع کا کہنا ہے کہ گزشتہ چار روز میں مبینہ طور پر افغان طالبان کی طرف سے بھیجے گئے 94 خوارج بھی مختلف آپریشنز میں ہلاک کیے جا چکے ہیں۔ سکیورٹی فورسز اور عوام ملی جذبے کے ساتھ ملک سے دہشتگردی کے ناسور کو جڑ سے اکھاڑ پھینکنے کے عزم پر قائم ہیں۔
نیشنل ایکشن پلان کے تحت متعلقہ ادارے دہشتگردوں کے خلاف بلا امتیاز اور مسلسل کارروائیاں جاری رکھے ہوئے ہیں اور سکیورٹی ذرائع نے عوام سے بھی گزارش کی ہے کہ کسی بھی مشکوک اطلاع کی فوری طور پر متعلقہ حکام کو آگاہی فراہم کریں۔