ویمبلے اسٹیڈیم میں دوستانہ میچ کے دوران انگلینڈ نے ویلز کو 0-3 سے شکست دے کر شاندار کھیل کا مظاہرہ کیا۔ میچ میں مارگن راجرز نے اپنے بین الاقوامی کیریئر کا پہلا گول اسکور کیا، اولی واٹکنز نے برتری کو دوگنا کیا جبکہ آرسنل کے اسٹار بوکائیو ساکا نے ایک شاندار طویل فاصلے کا گول کر کے شائقین کو جھومنے پر مجبور کر دیا۔
بھارت سے رہا ہونے والے پاکستانی ماہی گیر واہگہ بارڈر کے راستے وطن واپس، ایدھی فاؤنڈیشن کے حوالے
یہ انگلینڈ کی مسلسل دوسری بڑی کامیابی ہے، اس سے قبل وہ سربیا کو کوالیفائر میں 0-5 سے زیر کر چکے ہیں۔ ہیڈ کوچ تھامس ٹوچل کے مطابق ٹیم نے شاندار پرفارمنس دی مگر ویمبلے اسٹیڈیم میں شائقین کی خاموشی مایوس کن رہی۔ ٹوچل نے کہا کہ ٹیم اس سے زیادہ سپورٹ کی حقدار تھی۔
گروپ K میں لگاتار پانچ فتوحات کے بعد انگلینڈ کی ورلڈ کپ میں شمولیت یقینی ہو چکی ہے۔ اگر منگل کو لٹویا کے خلاف کامیابی ملی تو ان کی باضابطہ کوالیفکیشن بھی کنفرم ہو جائے گی۔
انگلینڈ نے یہ کامیابی کپتان ہیری کین، جوڈ بیلنگھم اور فل فوڈن کے بغیر حاصل کی، جسے کوچ ٹوچل نے ٹیم کی مجموعی طاقت اور بیلنس کا ثبوت قرار دیا۔
دوسری جانب ویلز کے لیے یہ شکست ورلڈ کپ کوالیفائر کی تیاریوں میں دھچکا ثابت ہوئی ہے۔