واشنگٹن: امریکی صدر ڈونلڈ ٹرمپ نے اعلان کیا ہے کہ چین کے ساتھ ٹک ٹاک کے حوالے سے معاہدہ طے پا گیا ہے۔ وائٹ ہاؤس میں صحافیوں سے گفتگو کرتے ہوئے صدر ٹرمپ نے کہا کہ وہ جمعے کو چینی صدر شی جن پنگ سے بات کریں گے تاکہ تمام معاملات کی تصدیق ہوسکے۔
پاکستان نے آئی ایم ایف کی زیادہ تر شرائط پوری کیں، ٹیکس ہدف اور بجٹ سرپلس میں ناکامی
خبر ایجنسی کے مطابق امریکی وزیر خزانہ نے گزشتہ روز بتایا تھا کہ اسپین میں امریکا اور چین کے درمیان ہونے والی بات چیت کے بعد طے پانے والے معاہدے کے تحت ٹک ٹاک کی ملکیت امریکا میں ہوگی۔ ان کا کہنا تھا کہ فی الحال تجارتی شرائط پر بات نہیں کی جائے گی، تاہم مستقبل میں مشترکہ اقدامات پر تبادلہ خیال ہوا ہے۔
امریکی تجارتی کمشنر جیمیسن گریر نے کہا کہ امریکا اور چین ایک مشکل اور حساس مسئلے کو حل کرنے میں کامیاب ہوگئے ہیں۔ ان کے مطابق فریم ورک معاہدے کے تحت ٹک ٹاک امریکی کنٹرول میں چلا جائے گا، جبکہ دونوں ممالک کے تعلقات باہمی احترام کی بنیاد پر آگے بڑھیں گے۔