خضدار: بلوچستان کے ضلع خضدار میں سیکیورٹی فورسز نے کامیاب کارروائی کرتے ہوئے فتنہ الہندوستان سے تعلق رکھنے والے 5 دہشت گردوں کو ہلاک کردیا۔
ایشیا کپ: پاکستان اور یو اے ای کے میچ پر غیر یقینی صورتحال، پی سی بی اور آئی سی سی آمنے سامنے
پاک فوج کے شعبہ تعلقات عامہ (آئی ایس پی آر) کے مطابق خضدار میں دہشت گردوں کی موجودگی کی اطلاع پر 14 اور 15 ستمبر کی درمیانی شب آپریشن کیا گیا۔ کارروائی کے دوران 5 دہشت گرد مارے گئے جبکہ ان کے قبضے سے بڑی مقدار میں اسلحہ اور گولہ بارود بھی برآمد ہوا۔
آئی ایس پی آر کا کہنا ہے کہ ہلاک دہشت گرد علاقے میں متعدد کارروائیوں میں ملوث تھے۔ مزید دہشت گردوں کی موجودگی کے پیش نظر کلیئرنس آپریشن تاحال جاری ہے۔
ترجمان پاک فوج کے مطابق سیکیورٹی فورسز ملک سے بھارتی اسپانسرڈ دہشت گردی کا مکمل خاتمہ کریں گی۔ قوم کی غیرمتزلزل حمایت کے ساتھ دہشت گردی کے منصوبہ سازوں کو انصاف کے کٹہرے میں لایا جائے گا۔