78واں یومِ آزادی اور معرکۂ حق: بلوچستان میں ایف سی بلوچستان (نارتھ) کے زیراہتمام تقریبات، طلبہ کے ملی نغمے اور شہداء کو خراجِ تحسین

پاکستان کے 78ویں یومِ آزادی اور معرکۂ حق کے موقع پر ایف سی بلوچستان (نارتھ) کی زیرِ نگرانی صوبے کے مختلف اضلاع میں پروقار تقریبات منعقد ہوئیں۔ کوئٹہ، چمن، سوئی، لورالائی، پشین، ڈیرہ بگٹی، ہرنائی، نوشکی، قلعہ سیف اللہ، ژوب، سبی، کوہلو اور دیگر نواحی علاقوں میں عوام کی بھرپور شرکت دیکھنے میں آئی۔

یومِ آزادی پر فیلڈ مارشل عاصم منیر کا عزم: آزادی و خودمختاری پر کبھی سمجھوتہ نہیں کریں گے

شرکاء نے قومی پرچم تھامے وطن سے اپنی محبت کا اظہار کیا اور ملکی دفاع کے لیے ہر چیلنج کا مقابلہ کرنے کا عزم دہرایا۔ مختلف اسکولز اور کالجز کے طلباء و طالبات نے ملی نغمے پیش کیے اور دلکش ٹیبلوز سے شرکاء کو محظوظ کیا۔

تقریری مقابلوں میں طلبہ نے آزادی کی اہمیت پر روشنی ڈالی اور اسے حاصل کرنے والے قومی ہیروز کو خراجِ تحسین پیش کیا۔ شرکاء نے دہشت گردی کے خلاف برسرپیکار افواجِ پاکستان کے لیے نیک خواہشات کا اظہار کرتے ہوئے شہدائے وطن کی عظیم قربانیوں کو یاد کیا اور ان کے بلند درجات کے لیے دعا کی۔