کراچی (اسٹاف رپورٹر) ڈی آئی جی انویسٹیگیشن کراچی رینج شوکت علی کھٹیان نے کراچی یونیورسٹی میں قائم جدید ترین ڈی این اے لیب (ICCBS) کا تفصیلی دورہ کیا، جہاں انہیں لیب کی مشینری، ڈی این اے سیمپلز کے تجزیے اور شواہد کی سائنسی جانچ کے مراحل پر بریفنگ دی گئی۔
فیلڈ مارشل عاصم منیر کی ملٹری ڈپلومیسی کامیاب؛ بھارت کا دہشتگردانہ چہرہ عالمی سطح پر بے نقاب
اس موقع پر ڈائریکٹر (ICCBS) ڈاکٹر محمد رضا شاہ، انچارج سندھ فارنزک ڈی این اے اینڈ سرولوجی لیبارٹری اشتیاق احمد خان اور دیگر تکنیکی عملہ موجود تھا۔ ڈی آئی جی انویسٹیگیشن نے کہا کہ یہ سہولت پولیس فورس کے لیے ایک سنگِ میل ہے، جو پیچیدہ مقدمات کے حل اور عدالتوں میں مضبوط سائنسی شواہد پیش کرنے میں مددگار ثابت ہوگی۔
انہوں نے لیب کے عملے کی پیشہ ورانہ محنت کو سراہتے ہوئے ہدایت دی کہ شواہد کے تجزیے میں عالمی معیار اور شفافیت کو برقرار رکھا جائے۔ دورے کے اختتام پر انہوں نے لیب کے مختلف شعبوں کا معائنہ کیا، ماہرین سے ملاقات کی اور مشترکہ تعاون کے تحت ڈی این اے ٹیسٹ اور رپورٹ کی بروقت فراہمی کی یقین دہانی کرائی۔