کراچی (اسٹاف رپورٹر) جامعہ این ای ڈی کی این ای ڈی اکیڈمی کے زیر اہتمام معرکہ حق جشنِ آزادی کے سلسلے میں خصوصی تقریب کا انعقاد کیا گیا، جہاں کیک کاٹا گیا اور پاکستان کی سلامتی کے لیے دعا کی گئی۔ اس موقع پر شیخ الجامعہ ڈاکٹر محمد طفیل نے کہا کہ وطن عزیز کی خوشی میں ہم سب کی خوشی پنہاں ہے، وطن ہے تو ہم ہیں، اور پاکستان کا دفاع مضبوط ہاتھوں میں ہے جس کی مثال معرکہ حق ہے۔ انہوں نے کہا کہ یہ معرکہ وطن کی عزت و وقار کا معرکہ تھا، جس میں فتح نصیب ہوئی۔
گورنر سندھ کامران ٹیسوری اور علی ظفر کا حیدرآباد میں ڈھابے پر عوامی انداز
کیک کاٹنے کی تقریب میں پرووائس چانسلر ڈاکٹر محمد نعمان، رجسٹرار سید غضنفر حسین، ڈین ڈاکٹر اسد الرحمان، ڈین ڈاکٹر عامر اقبال، ڈین ڈاکٹر سعد احمد قاضی، اور اکیڈمی کے ڈائریکٹر جنرل ڈاکٹر بلال زاہد سمیت دیگر ٹیم اراکین شریک ہوئے۔
اسی روز "معرکہ حق بنیان مرصوص” کے عنوان سے ڈائریکٹر آئی ٹی ڈاکٹر اسد عارفین نے سائبر وار کے موضوع پر طلبہ کو آگاہی لیکچر دیا، جس میں ملک کے سائبر دفاع کی اہمیت پر روشنی ڈالی گئی۔