حیدرآباد (اسٹاف رپورٹر) گورنر سندھ کامران ٹیسوری نے جشنِ آزادی کے موقع پر عوامی انداز اپناتے ہوئے حیدرآباد میں معروف گلوکار علی ظفر کے ہمراہ ڈھابے پر چائے اور چوکر کی روٹی کا لطف اٹھایا۔ یہ موقع اس وقت پیش آیا جب گورنر سندھ، معرکہ حق جشنِ آزادی کے گرینڈ میوزک کنسرٹ کے بعد کراچی روانگی سے قبل علی ظفر کو ساتھ لے کر مقامی ڈھابے پر جا پہنچے۔
کراچی: ڈمپر نذر آتش واقعے کے بعد پولیس کی اندھا دھند گرفتاریاں، شہریوں میں اشتعال
اس موقع پر ڈاکٹر فاروق ستار اور ایم کیو ایم کے دیگر رہنما بھی ہمراہ تھے۔ فاروق ستار نے بتایا کہ چوکر کی روٹی نہ صرف مزیدار ہے بلکہ نظامِ ہاضمہ کے لیے بھی مفید ہے۔
واضح رہے کہ ایم کیو ایم کی جانب سے جشنِ آزادی کے سلسلے میں لطیف آباد کے باغ مصطفیٰ گراؤنڈ میں میوزیکل کنسرٹ کا انعقاد کیا گیا تھا، جس میں عالمی شہرت یافتہ گلوکار راحت فتح علی خان، علی ظفر اور دیگر فنکاروں نے پرفارم کر کے شہریوں کو محظوظ کیا۔