کراچی (اسٹاف رپورٹر) سی ٹی ڈی اور پولیس نے شہر قائد میں مشترکہ انٹیلیجنس بیسڈ آپریشن کرتے ہوئے منگھوپیر سے کالعدم تنظیم فتنۃ الخوارج ٹی ٹی پی کے 2 خطرناک دہشت گردوں کو گرفتار کر لیا۔ ترجمان سی ٹی ڈی کے مطابق گرفتار دہشت گردوں میں عبدالوکیل اور اجمل شامل ہیں جو افغانستان سے عسکری تربیت یافتہ ہیں۔ دونوں ملزمان انتہائی مطلوب دہشت گرد شریف اللہ کے قریبی ساتھی اور قلعہ عبداللہ بلوچستان کے رہائشی ہیں۔ کارروائی کے دوران ملزمان سے اسلحہ بھی برآمد کیا گیا۔
بحریہ یونیورسٹی کراچی کیمپس کا 21واں کانووکیشن، 3 ہزار سے زائد طلباء میں ڈگریاں اور میڈلز تقسیم
دوسری جانب میانوالی کے علاقے کندیاں میں سی ٹی ڈی نے خفیہ اطلاع پر کارروائی کی، جس دوران دہشت گردوں نے فائرنگ کر دی۔ جوابی فائرنگ میں 2 خطرناک دہشت گرد ہلاک ہوگئے، جبکہ 6 دہشت گرد اندھیرے کا فائدہ اٹھا کر فرار ہو گئے۔ ترجمان کے مطابق ہلاک دہشت گرد کالعدم تنظیم سے تعلق رکھتے تھے اور سنگین جرائم میں مطلوب تھے۔