کراچی (اسٹاف رپورٹر) — وزیر بلدیات سندھ و چیئرمین گورننگ باڈی ملیر ڈویلپمنٹ اتھارٹی (ایم ڈی اے) سعید غنی کی زیر صدارت ایم ڈی اے کی گورننگ باڈی کا اہم اجلاس منعقد ہوا، جس میں سالانہ بجٹ 2025-26 کو اتفاقِ رائے سے منظور کر لیا گیا۔
کراچی: تھانہ سائٹ سپر ہائی وے پولیس کی کارروائی، اسٹریٹ کرائم میں ملوث ملزم گرفتار، اسلحہ و موٹر سائیکل برآمد
اجلاس میں ایڈیشنل چیف سیکرٹری لوکل گورنمنٹ وسیم شمشاد، ڈائریکٹر جنرل ایم ڈی اے سعید جمانی، ڈائریکٹر فنانس وقاص سومرو، کامران خان، لائیق احمد اور دیگر افسران نے شرکت کی۔
اجلاس کے دوران بجٹ کی مختلف تجاویز، ترقیاتی منصوبے اور مالی امور کا تفصیلی جائزہ لیا گیا۔ تمام شرکاء نے سال 2025-26 کے بجٹ کو متفقہ طور پر منظور کرتے ہوئے مالی نظم و ضبط اور ترقیاتی ہدف کو سراہا۔
سعید غنی نے اس موقع پر کہا کہ ایم ڈی اے کے ترقیاتی منصوبوں میں شفافیت اور رفتار کو برقرار رکھتے ہوئے شہریوں کی بہتری کے لیے کام جاری رکھا جائے گا۔