اسلام آباد/کراچی (اسٹاف رپورٹر): پاک فوج کی کیپٹن ایمان کا ایک ویڈیو کلپ سوشل میڈیا پر جنگل کی آگ کی طرح پھیل گیا، جس میں انہوں نے فوج کی خود احتسابی اور پیشہ ورانہ صلاحیتوں کو انتہائی باوقار انداز میں بیان کیا۔
نمبر پلیٹس کی اچانک تبدیلی مہم نے شہریوں میں اضطراب بڑھا دیا، شہری حقوق کمیٹی کی رہنمائی کا مطالبہ
کیپٹن ایمان نے اسٹاف کالج کے اپنے کورس کے دوران 1965 اور 1971 کی کتابوں سے حوالہ دیتے ہوئے کہا کہ ان کتابوں میں اپنی کامیابیوں کا ذکر نہیں بلکہ خود احتسابی اور اصلاحِ نفس کی درسگاہ ملتی ہے۔ انہوں نے مخاطب طلبہ کو پیغام دیا:
"کبھی یہ نہ سوچیں کہ اس ملک نے ہمیں کیا دیا، بلکہ یہ سوچیں کہ ہم نے اس ملک کو کیا دیا؟”
انہوں نے یہ بھی کہا کہ فوج میں خود احتسابی کا عمل انتہائی سخت ہے اور ہر فیصلہ عوام کے بہتر مفاد کے لیے ہوتا ہے۔ ان کے الفاظ اور وردی میں پوشیدہ وقار نے حاضرین کو متاثر کیا، اور ویڈیو کلپ بارہا ری ٹوئٹ اور شیئر کی جا رہی ہے۔
کیپٹن ایمان نے زور دیا کہ موجودہ مقام ہماری مشترکہ کوششوں کا نتیجہ ہے، اور ہر افسر و سپاہی کا فرض ہے کہ خود احتسابی کے ذریعے ادارے کے معیار کو بلند رکھے۔