نیپرا نے مالی سال 2025-26 کے لیے قومی اوسط بجلی ٹیرف میں فی یونٹ 1.15 روپے کی کمی کی منظوری دے دی ہے۔ یہ فیصلہ نیپرا کے اراکین مقصود انور اور رفیق شیخ کی زیر صدارت عوامی سماعت میں کیا گیا، جس میں حکومتی ٹیم کی قیادت پاور ڈویژن کے ایڈیشنل سیکریٹری محفوظ بھٹی نے کی۔
معاشی دباؤ کے باوجود کراچی کی ٹیکس وصولیوں میں ریکارڈ اضافہ ایف بی آر اور ایس آر بی کی شاندار کارکردگی
حکومتی اعداد و شمار کے مطابق، نیا اوسط قومی ٹیرف (بغیر ٹیکسز و سرچارجز) 34 روپے فی یونٹ مقرر کیا گیا ہے، جو پچھلے سال 35.50 روپے فی یونٹ تھا۔ سبسڈی اور کراس سبسڈی ایڈجسٹمنٹ کے بعد مؤثر صارف نرخ 31.59 روپے فی یونٹ طے پایا، جو پچھلے سال کے 32.73 روپے کے مقابلے میں 1.14 روپے کم ہے۔
عجلت میں فیصلہ، تاجر برادری برہم
فیڈریشن آف پاکستان چیمبرز آف کامرس، کراچی چیمبر اور صنعتی تنظیموں نے حکومت اور نیپرا پر سخت تنقید کی ہے۔ ان کا کہنا ہے کہ ٹیرف منظوری کا عمل قانون کے برخلاف جلد بازی میں مکمل کیا گیا۔ پاور ڈویژن نے 28 جون کو درخواست جمع کرائی، اگلے دن کابینہ نے منظوری دی اور یکم جولائی کو سماعت ہوئی، جبکہ قانوناً کم از کم 7 دن کا نوٹس ضروری ہے۔
نرخ میں کمی لیکن مؤثر ٹیرف اب بھی بلند
صنعتکاروں کا کہنا ہے کہ فی یونٹ محض 1.14 روپے کی کمی مایوس کن ہے۔ ایک تاجر رہنما نے کہا کہ "حقیقت میں مؤثر ٹیرف اب بھی گزشتہ سال کے 30 روپے فی یونٹ کے مقابلے میں تقریباً 5 روپے زیادہ ہے۔”
حکومتی ٹیم نے مؤقف اختیار کیا کہ تمام سرچارجز اور ایڈجسٹمنٹس کے خاتمے کے بعد مؤثر اوسط ٹیرف 40.43 روپے فی یونٹ ہوگا، جو گزشتہ سال 47.89 روپے تھا۔
صنعتی صارفین کا مطالبہ: پیک/آف پیک ختم کیا جائے
صنعتی حلقوں نے مطالبہ کیا کہ پیک اور آف پیک اوقات کا فرق ختم کیا جائے تاکہ صنعتیں مسلسل چل سکیں۔ حکومت نے دعویٰ کیا کہ بہتر ایکسچینج ریٹ اور پالیسی اقدامات سے کپیسٹی پیمنٹس کم ہو کر 29.61 روپے فی یونٹ رہ گئی ہیں۔ ڈسکوز کے نقصانات بھی 11.43 فیصد سے کم ہو کر 11.03 فیصد ہوئے ہیں۔
نئے نرخوں کی تفصیل
لائف لائن صارفین کے ابتدائی دو سلیبز میں کوئی تبدیلی نہیں کی گئی:
50 یونٹ: 3.95 روپے فی یونٹ
50-100 یونٹ: 7.74 روپے فی یونٹ
پروٹیکٹڈ صارفین:
1-100 یونٹ: 11.69 → 10.54 روپے (9.8٪ کمی)
اگلی سلیب: 14.16 → 13.01 روپے (8٪ کمی)
نان پروٹیکٹڈ صارفین (پہلے 100 یونٹ):
23.59 → 23.44 روپے
صنعتی صارفین:
44.32 → 33.48 روپے فی یونٹ
تجارتی صارفین:
46.58 → 45.43 روپے
جنرل سروسز:
44.32 → 43.17 روپے
بلک صارفین:
42.92 → 41.76 روپے
زرعی صارفین:
31.90 → 30.75 روپے