کراچی (رپورٹر) — محرم الحرام کے سلسلے میں سیکیورٹی اور سہولیات کی تیاریوں کا جائزہ لینے کے لیے کمشنر کراچی اور ڈپٹی کمشنر ضلع وسطی طحہ سلیم نے انچولی میں خیرالعمل امام بارگاہ اور الحسن امام بارگاہ کا دورہ کیا۔
پیس ویلی کی شاندار لانچنگ اور نارتھ کراچی ڈیلر ویلفیئر ایسوسی ایشن کی حلف برداری، ریئل اسٹیٹ برادری میں اتحاد، اعتماد اور ترقی کا مظاہرہ
دورے میں میونسپل کمشنر کے ایم سی افضال زیدی، تنظیم عزاداران کے سربراہ ایس ایم نقی، اور دیگر انتظامی و مقامی نمائندگان بھی شریک تھے۔
دورے کے دوران جلوسوں کے روٹس، امام بارگاہوں کے اطراف سیکیورٹی، صفائی، روشنی اور پانی کی فراہمی جیسے اہم امور کا جائزہ لیا گیا۔
ہدایات اور اقدامات
کمشنر کراچی نے متعلقہ اداروں کو ہدایت دی کہ
"سیکیورٹی کے تمام ممکنہ اقدامات بروقت اور فول پروف طریقے سے مکمل کیے جائیں، افسران ہائی الرٹ رہیں۔”
ڈپٹی کمشنر طحہ سلیم نے موقع پر موجود سبیلوں کا معائنہ کیا اور کہا:
"پینے کے صاف پانی کی بلا تعطل فراہمی یقینی بنائی جائے، صفائی اور دیگر سہولیات کے معیار پر کوئی سمجھوتہ نہیں ہوگا۔”
منتظمین سے ملاقات
دونوں افسران نے امام بارگاہوں کے منتظمین سے ملاقات کی اور مکمل تعاون کی یقین دہانی کرائی۔
فوکل پرسن ڈپٹی کمشنر سینٹرل توقیر احمد بھی اس موقع پر موجود تھے اور انہوں نے علاقائی سطح پر جاری تیاریوں سے متعلق تفصیلات فراہم کیں۔
