زیراعظم شہباز شریف نے وفاقی کابینہ کے اجلاس سے خطاب کرتے ہوئے کہا کہ ایران اور اسرائیل کے درمیان جنگ کی صورتحال انتہائی تشویشناک ہے۔ پاکستان نے ایران پر اسرائیل کی کھلی جارحیت کی سخت مذمت کی ہے۔
یوئیفا فائنلسٹ انٹر میلان کا کلب ورلڈ کپ میں مایوس کن آغا، مونٹیری سے 1-1 کا ڈرا
وزیراعظم نے بتایا کہ جس روز جنگ کا آغاز ہوا، اسی دن انہوں نے ایرانی صدر مسعود پزشکیان اور ترک صدر رجب طیب اردوان سے ٹیلیفونک رابطہ کیا، اور پاکستانی عوام کی جانب سے مکمل یکجہتی کا اظہار کیا۔ انہوں نے زور دیا کہ عالمی برادری فوری طور پر جنگ بندی کے لیے عملی کردار ادا کرے تاکہ خطے میں امن و استحکام قائم ہو۔
فلسطین میں ظلم جاری، او آئی سی اجلاس میں پاکستان کی شرکت
شہباز شریف نے غزہ میں جاری صورتحال کو انتہائی افسوسناک قرار دیا۔ ان کا کہنا تھا کہ اب تک 50 ہزار فلسطینی شہید اور ہزاروں زخمی ہو چکے ہیں، جبکہ اسرائیلی مظالم میں کوئی کمی نہیں آئی۔ انہوں نے بتایا کہ پاکستان کا وفد، نائب وزیراعظم کی سربراہی میں، ترکیہ میں ہونے والے او آئی سی وزرائے خارجہ اجلاس میں شرکت کرے گا۔
بجٹ میں کسان، ملازمین اور معیشت کو ریلیف
وزیراعظم نے کہا کہ آئندہ مالی سال کے بجٹ پر پارلیمنٹ میں بحث جاری ہے۔ انہوں نے واضح کیا کہ زراعت پر کوئی نیا ٹیکس نہیں لگایا گیا اور زرعی شعبے کی ترقی حکومت کی اولین ترجیح ہے۔ بجٹ میں:
تنخواہوں میں 10 فیصد اضافہ کیا گیا ہے
تنخواہ دار طبقے کو ٹیکس ریلیف دیا گیا
6 سے 12 لاکھ آمدن پر ٹیکس کی شرح 1 فیصد مقرر کی گئی
شہباز شریف کے مطابق، سرکاری شعبے کا ترقیاتی پروگرام ایک ہزار ارب روپے پر مشتمل ہے۔ ان کا کہنا تھا کہ 2023 میں شدید معاشی مشکلات کے باوجود حکومت نے ملک کو دیوالیہ ہونے سے بچایا اور اب معیشت استحکام کی راہ پر گامزن ہے۔
قومی سلامتی، خارجہ امور اور دفاع پر وزیراعظم کا اظہار خیال
وزیراعظم نے کہا کہ بلاول بھٹو زرداری کی قیادت میں پاکستانی وفد نے امریکہ اور یورپ میں پاکستان کا مؤقف بھرپور انداز میں پیش کیا، جس پر وہ مبارکباد کے مستحق ہیں۔
انہوں نے سیکیورٹی امور پر بات کرتے ہوئے کہا کہ افواجِ پاکستان نے قوم کی حمایت سے دشمن کے خلاف کامیابیاں حاصل کیں، اور حکومت دہشت گردی کے مکمل خاتمے کے لیے پرعزم ہے۔ سیکیورٹی اداروں کی تمام ضروریات کو پورا کیا جائے گا۔