سی ٹی ڈی سندھ کی خصوصی ٹیم نے سعید آباد تھانے کی حدود میں خفیہ اطلاع پر مبنی آپریشن کے دوران کالعدم تنظیم بلوچ لبریشن آرمی (BLA) سے تعلق رکھنے والے خطرناک دہشت گرد داہن عرف آصف چکنا کو گرفتار کر لیا ہے۔
ایم یو سی ٹی چارجز میں اضافے کی تجویز، 21 اپریل کے اجلاس میں منظوری کی کوشش، اپوزیشن کی شدید مخالفت
سی ٹی ڈی کے مطابق، گرفتار ملزم کے قبضے سے غیر قانونی اسلحہ برآمد کیا گیا ہے۔ ابتدائی تفتیش میں انکشاف ہوا ہے کہ داہن عرف آصف چکنا اور اس کا قریبی ساتھی محمد شفیع کراچی میں BLA کے دہشت گردوں کو سہولیات فراہم کرتے تھے، اور گرفتاری سے بچنے کے لیے بلوچستان کے علاقے حب میں روپوش رہتے تھے۔
مزید یہ بھی معلوم ہوا ہے کہ محمد شفیع، BLA کے اہم دہشت گرد بہادر PMT کا بیٹا ہے، جو پڑوسی ملک سے BLA کا سلیپر سیل چلا رہا ہے۔ بہادر PMT سی ٹی ڈی کی ریڈ بُک میں شامل انتہائی مطلوب دہشت گردوں میں سے ایک ہے۔
گرفتار ملزم کی نشاندہی پر محمد شفیع کی گرفتاری کے لیے ایک ٹیم کو حب بلوچستان روانہ کر دیا گیا ہے۔
سی ٹی ڈی ذرائع کا کہنا ہے کہ داہن عرف آصف چکنا اس سے قبل قتل، اقدام قتل اور پولیس مقابلے جیسے سنگین مقدمات میں گرفتار ہو چکا ہے اور جیل کی سزا بھی کاٹ چکا ہے۔
سی ٹی ڈی کی اس کارروائی کو کراچی میں دہشت گردی کے نیٹ ورک کو توڑنے کی جانب ایک بڑی پیش رفت قرار دیا جا رہا ہے۔