ایس ایس پی ڈسٹرکٹ سینٹرل ذیشان شفیق صدیقی کی صدارت میں یوم علی کے سلسلے میں ایک اہم اجلاس منعقد ہوا، جس میں یوم علی کے جلوسوں کے پرمٹ ہولڈرز، امام بارگاہوں کے منتظمین اور عہدیداران نے شرکت کی۔
پاکستان نیوی کی دوسری ہنگور کلاس آبدوز “پی این ایس شوشک” کی چین میں شاندار لانچنگ، خطے میں میری ٹائم سیکیورٹی کا نیا سنگ میل
اجلاس میں ضلع وسطی کے متعلقہ ایس ڈی پی اوز، ایس ایچ اوز سمیت دیگر افسران بھی شریک ہوئے۔
اجلاس میں یوم علی کی مناسبت سے نکالے جانے والے جلوسوں اور منعقد ہونے والی مجالس کے سیکیورٹی انتظامات پر تفصیلی گفتگو کی گئی۔
ایس ایس پی سنٹرل ذیشان شفیق صدیقی نے اجلاس کے شرکاء کو فول پروف سیکیورٹی کی یقین دہانی کراتے ہوئے کہا کہ یوم علی کے موقع پر طاق راتوں کے لیے اضافی نفری فراہم کی جائے گی تاکہ امن و امان کی فضا کو برقرار رکھا جا سکے۔
انہوں نے مزید کہا کہ مساجد، امام بارگاہوں اور جلوس کے راستوں پر موٹرسائیکل گشت کو بڑھایا جائے گا، جبکہ لیڈی سرچر (خواتین سیکیورٹی اہلکار) بھی تعینات کی جائیں گی تاکہ خواتین کی مجالس اور جلوسوں میں سیکیورٹی یقینی بنائی جا سکے۔
ایس ایس پی سنٹرل نے کہا کہ یوم علی کے موقع پر تمام متعلقہ اداروں بشمول کے الیکٹرک (KE)، کے ایم سی (KMC)، اور ڈپٹی کمشنر (DC) آفس کو آن بورڈ لیا جائے گا تاکہ جلوسوں اور مجالس کے دوران بجلی، صفائی، اور دیگر سہولیات کی فراہمی یقینی بنائی جا سکے۔
ایس ایس پی سینٹرل ذیشان شفیق صدیقی نے کہا کہ یوم علی کے پروگراموں کو پرامن اور خوش اسلوبی سے مکمل کرانے کے لیے تمام اقدامات کیے جا رہے ہیں اور عوام کے تعاون سے اسے کامیاب بنایا جائے گا۔
