شکارپور میں پولیس لائنز ہیڈکوارٹر میں شہید پولیس اہلکار محمد رمضان بھٹو کی نماز جنازہ سرکاری اعزاز کے ساتھ ادا کی گئی۔
ایس سی او کی آزاد جموں و کشمیر اور گلگت بلتستان میں 63 آئی ٹی سینٹرز کے قیام کی کامیابی
اعلیٰ حکام اور سول سوسائٹی کی شرکت
نماز جنازہ میں ڈی آئی جی لاڑکانہ ناصر آفتاب، ایس ایس پی شکارپور شاہزیب چاچڑ، ڈی ایس آر رینجرز سمیت سینئر پولیس افسران، شہید کے اہلِ خانہ اور سول سوسائٹی کے نمائندوں نے شرکت کی۔
سرکاری اعزاز اور سلامی کے بعد شہید کا جسد خاکی آبائی گاؤں نئوڈیرو، ضلع لاڑکانہ روانہ کر دیا گیا۔
واقعے کی تفصیلات
گزشتہ رات تھانہ مدیجی کی حدود میں گارڈ اسٹیشن پکٹ پر ڈاکوؤں کے حملے کے دوران پولیس مقابلہ ہوا۔
فائرنگ کے تبادلے میں محمد رمضان بھٹو شہید جبکہ پولیس اہلکار نیاز حسین راہوجو زخمی ہوگئے۔
ایس ایس پی شکارپور شاہزیب چاچڑ کا عزم
"شہید کی قربانی ہرگز رائیگاں نہیں جائے گی، ملزمان کو کیفرکردار تک پہنچایا جائے گا۔”
"عوام کی جان و مال کی حفاظت کرنے والے افسران کی قربانی ضائع نہیں جائے گی، ڈاکوؤں کا مکمل خاتمہ کیا جائے گا۔”
"میرے جوانوں کے حوصلے بلند ہیں، یہ جنگ ڈاکوؤں کے خاتمے تک جاری رہے گی۔”
شہید کی خدمات اور پسِ منظر
2014 میں بطور کانسٹیبل سندھ پولیس میں شامل ہوئے۔
ریٹائرڈ فوجی بھی تھے۔
پسماندگان میں بیوہ، تین بیٹے اور ایک بیٹی شامل ہیں۔
