اسلام آباد، 28 فروری 2025: اینٹی نارکوٹکس فورس (اے این ایف) نے تعلیمی اداروں اور مختلف شہروں میں منشیات اسمگلنگ کے خلاف مؤثر کریک ڈاؤن کرتے ہوئے 7 مختلف کارروائیوں میں 5 ملزمان کو گرفتار کر لیا۔ کارروائیوں کے دوران 1 کروڑ 97 لاکھ روپے سے زائد مالیت کی 52.111 کلو گرام منشیات برآمد کر لی گئی۔
اسلامیہ یونیورسٹی بہاولپور کے طلبہ و اساتذہ کا بہاولپور گیریژن کا دورہ
تعلیمی اداروں میں کارروائیاں
راولپنڈی: یونیورسٹی کے قریب ایک ملزم سے 200 نشہ آور گولیاں برآمد۔
کراچی: کھارادر کے قریب موٹرسائیکل سوار کے قبضے سے 1.4 کلو گرام آئس برآمد۔
گرفتار ملزمان نے تعلیمی اداروں کے طلبہ کو منشیات فروخت کرنے کا اعتراف کر لیا۔
دیگر کارروائیاں
ملتان انٹرنیشنل ایئرپورٹ: دبئی جانے والے مسافر کے انڈرگارمنٹس سے 179 گرام چرس برآمد۔
پشاور انٹرنیشنل ایئرپورٹ: دوحہ جانے والے مسافر کے ٹرالی بیگ سے 980 گرام آئس برآمد۔
لاہور: کوریئر آفس میں برطانیہ بھیجے جانے والے پارسل سے لیڈیز پرس میں چھپائی گئی 226 گرام ہیروئن برآمد۔
بلوچستان (حب، وندر): 24 کلو گرام افیون اور 6 کلو گرام ہیروئن برآمد۔
اسلام آباد (ایم ون موٹر وے): ایک ملزم کے قبضے سے 19.2 کلو گرام چرس برآمد۔
تمام گرفتار ملزمان کے خلاف انسدادِ منشیات ایکٹ کے تحت مقدمات درج کر کے مزید تحقیقات کا آغاز کر دیا گیا ہے۔
