ایڈ شیرین اور ارجیت سنگھ کا جیان گنج میں منفرد دن: سادگی اور دوستی کے چرچے

برطانوی گلوکار ایڈ شیرین، جو اپنے ’میٹ ٹور‘ کے تحت بھارت میں موجود ہیں، نے حال ہی میں بنگلورو میں دو کامیاب کنسرٹس کیے۔ تاہم ان کی بھارت میں موجودگی کا سب سے خاص لمحہ اس وقت سامنے آیا جب وہ بھارتی گلوکار ارجیت سنگھ کے ہمراہ مغربی بنگال کے ضلع مرشد آباد کے شہر جیان گنج میں گھومتے نظر آئے۔
لیبیا: کشتی ڈوبنے سے 7 پاکستانیوں سمیت 10 افراد جاں بحق، مزید کی تلاش جاری

وائرل ویڈیوز میں ارجیت سنگھ کو اسکوٹر چلاتے ہوئے دیکھا جا سکتا ہے، جبکہ ایڈ شیرین ان کے پیچھے بیٹھے ہوئے تھے۔ ان کے ساتھ دیگر دوست بھی اپنی اسکوٹرز پر گلیوں میں گھوم رہے تھے۔ یہ مناظر مداحوں کے لیے حیرت کا باعث بنے، اور لوگوں نے ارجیت کی سادگی کی بھرپور تعریف کی۔

بھارتی میڈیا کے مطابق ایڈ شیرین اور ارجیت سنگھ نے تقریباً پانچ گھنٹے جیان گنج میں گزارے اور بعد ازاں بھاگیرتھی ندی میں کشتی سواری سے لطف اندوز ہوئے۔ دلچسپ بات یہ ہے کہ ایڈ شیرین نے اضافی سیکیورٹی لینے سے انکار کیا تھا، جس کی تصدیق مقامی ڈی آئی جی نے کی۔

یاد رہے کہ اس سے قبل ایڈ شیرین نے بنگلورو کی چرچ اسٹریٹ پر مختصر پرفارمنس دی تھی، جو پولیس مداخلت کی وجہ سے روک دی گئی تھی۔