کراچی: وزیر اعلیٰ سندھ نے شہر میں بڑھتے ہوئے ٹریفک حادثات کا نوٹس لیتے ہوئے شہر میں ڈمپرز کے داخلے کو صبح 6 بجے سے رات 11 بجے تک ممنوع قرار دینے کا فیصلہ کیا ہے۔ اس دوران صرف رات 11 بجے سے صبح 6 بجے تک ڈمپرز کو شہر میں داخلے کی اجازت ہوگی۔ اس بات کا اعلان سندھ حکومت کے ترجمان مصطفیٰ عبداللہ بلوچ نے کیا۔
پاکستان سنی تحریک کی زیرِ اہتمام تحفظ ختم نبوت کانفرنس کا شاندار انعقاد، عقیدہ ختم نبوت کے تحفظ کے لیے اقدامات کی اہمیت پر زور
ترجمان کے مطابق، بڑھتے حادثات کی روک تھام کے لیے ہیوی ٹریفک کے حوالے سے بنائے گئے قوانین پر عمل درآمد یقینی بنانے کے لیے ٹریفک پولیس کو سخت ہدایات جاری کردی گئی ہیں۔
اضافی ہدایات:
ترجمان سندھ حکومت نے مزید کہا کہ سندھ سالڈ ویسٹ مینجمنٹ بورڈ کو تین ماہ کے اندر اپنا آپریشن رات کے اوقات میں منتقل کرنے کی ہدایت دی گئی ہے۔ اس کے علاوہ، واٹر بورڈ کے تمام واٹر ٹینکرز کی ایک ماہ کے اندر انسپکشن کا حکم بھی جاری کیا گیا ہے تاکہ شہریوں کی حفاظت کو یقینی بنایا جا سکے۔
ترجمان مصطفیٰ عبداللہ بلوچ نے کہا کہ شہریوں کی جان کا تحفظ سندھ حکومت کی اولین ترجیح ہے، اور اس حوالے سے مین شاہراہوں سمیت تمام اہم سڑکوں پر دن کے اوقات میں ڈمپرز کے داخلے پر مکمل پابندی ہوگی۔
حکومت کا عزم:
سندھ حکومت نے عزم کا اظہار کیا ہے کہ قوانین پر سختی سے عمل درآمد کرتے ہوئے شہریوں کی زندگیوں کو محفوظ بنانے کے لیے ہر ممکن اقدام اٹھایا جائے گا۔