انٹرنیشنل اٹامک انرجی ایجنسی (IAEA) کے ڈائریکٹر جنرل، رافیل ماریانو گروسی، اگلے ہفتے پاکستان کا اہم دورہ کریں گے۔ دفتر خارجہ کے ترجمان نے اس خبر کی تصدیق کرتے ہوئے کہا کہ یہ دورہ پاکستان اور IAEA کے درمیان دہائیوں پر مبنی تعاون کو مزید مستحکم کرنے میں اہم کردار ادا کرے گا۔
نیو کراچی پولیس کی اسٹریٹ کرمنلز کے خلاف کامیاب کارروائی، ملزم گرفتار
ترجمان کے مطابق، رافیل گروسی اپنے دورے کے دوران وزیراعظم پاکستان اور نائب وزیراعظم سے ملاقات کریں گے۔ ان ملاقاتوں میں جوہری توانائی کے پُرامن استعمال، توانائی کی ضروریات اور سیکیورٹی کے امور پر تبادلہ خیال کیا جائے گا۔
دورے کے دوران گروسی، پاکستان نیوکلیئر ریگولیٹری اتھارٹی (PNRA) کے زیر اہتمام سیمینار میں شرکت کریں گے۔ اس کے علاوہ، وہ چشمہ نیوکلیئر پاور جنریشن کمپلیکس کا دورہ بھی کریں گے، جو پاکستان کے جوہری توانائی کے پروگرام میں کلیدی حیثیت رکھتا ہے۔
پاکستان اور IAEA کے درمیان تعاون 1957 سے جاری ہے اور پاکستان IAEA کے بورڈ آف گورنرز کا ایک فعال رکن ہے۔ یہ دورہ دونوں اداروں کے درمیان تعلقات کو مزید مضبوط کرنے اور جوہری ٹیکنالوجی کے پُرامن استعمال کو فروغ دینے کا ایک اہم موقع ہے۔