اسلام آباد: حماس کے ترجمان ڈاکٹر خالد القدومی نے جمیعت علمائے اسلام (ف) کے سربراہ مولانا فضل الرحمان کی رہائش گاہ کا دورہ کیا، جہاں انہوں نے فلسطین کی تازہ ترین صورتحال پر مولانا کو آگاہ کیا۔ ملاقات میں دونوں رہنماؤں نے موجودہ حالات پر تفصیلی غور و خوض کیا۔
اے این ایف کا منشیات اسمگلنگ کے خلاف ملک بھر میں کریک ڈاؤن: 7 ملزمان گرفتار، 33.839 کلوگرام منشیات برآمد
مولانا فضل الرحمان نے کہا کہ فلسطینی مسلمانوں کا خون رائیگاں نہیں جائے گا اور پہلی مرتبہ فلسطین کی سرزمین پر فتح کے اثرات دیکھنے کو مل رہے ہیں۔ انہوں نے زور دیا کہ اسرائیل کو تمام فلسطینی علاقے خالی کرنے ہوں گے۔ انہوں نے اس بات کا اعادہ کیا کہ ہم ہمیشہ فلسطینی عوام کے ساتھ کھڑے ہیں۔
حماس کے ترجمان ڈاکٹر خالد القدومی نے مولانا فضل الرحمان کی فلسطین کے لیے مخلصانہ اور بے لوث کوششوں کو سراہتے ہوئے کہا کہ جے یو آئی نے ہر محاذ پر ہماری بھرپور ترجمانی کی ہے۔
ملاقات میں مجلس احرار الاسلام کے سربراہ سید کفیل شاہ بخاری، ڈاکٹر امجد علی اور دیگر اہم شخصیات بھی موجود تھیں۔
