(تشکر نیوز) کراچی سمیت ملک بھر کے بجلی صارفین کو سہ ماہی ایڈجسٹمنٹ میں ریلیف ملنے کا امکان ہے، جس کے تحت بجلی کی قیمتوں میں کمی ہو سکتی ہے۔ تقسیم کار کمپنیوں نے بجلی صارفین کو 52 ارب 12 کروڑ روپے کا ریلیف دینے کے لیے نیپرا میں درخواست دائر کر دی ہے۔ یہ درخواست رواں مالی سال کی دوسری سہ ماہی ایڈجسٹمنٹ کی مد میں جمع کرائی گئی ہے۔
پاک فوج کی بروقت کارروائی سے گلگت بلتستان میں ایک اور جان بچا لی گئی، ماں اور دونوں بچے صحت مند
نیپرا کے مطابق، ڈسکوز کی درخواست پر سماعت 12 فروری کو ہو گی، جس میں کیپیسٹی چارجز کی مد میں 50 ارب 66 کروڑ روپے کی کمی کی درخواست کی گئی ہے۔ اس کے علاوہ، ٹرانسمیشن اینڈ ڈسٹری بیوشن نقصانات میں 2 ارب 66 کروڑ روپے کی کمی اور آپریشنز اینڈ مینٹیننس کی مد میں 2 ارب 69 کروڑ روپے کی کمی کی درخواست کی گئی ہے۔
نیپرا نے یہ بھی بتایا کہ اکتوبر تا دسمبر 2024ء کی سہ ماہی ایڈجسٹمنٹ کا اطلاق کراچی کی بجلی فراہم کرنے والی کمپنی "کے الیکٹرک” پر بھی ہو گا۔
یہ اقدام صارفین کے لیے خوش آئند ثابت ہو سکتا ہے، کیونکہ اس سے بجلی کے بلوں میں کمی آنے کا امکان ہے، جو کہ مالیاتی دباؤ میں کمی کا سبب بنے گا۔